HISTORIC MOMENT FOR FILIPINO TALENT: LEA SALONGA RECEIVES STAR ON THE HOLLYWOOD WALK OF FAME
Inukit ng Broadway icon at legendary singer na si Lea Salonga ang pangalan nito sa kasaysayan matapos siyang opisyal na pangaralan ng pampublikong bituin sa sikat na Hollywood Walk of Fame sa Los Angeles, California. Siya ang kauna-unahang artistang Pilipino na nakatanggap ng ganitong uri ng pagkilala sa buong kasaysayan ng sikat na pasyalan.
Naganap ang nasabing pormal na seremonya sa tapat ng makasaysayang Hollywood Pantages Theatre sa 6225 Hollywood Boulevard, kung saan pormal na inihayag ang ika-2,855 na bituin sa ilalim ng kategoryang Live Performance. Ang nominasyon ay iniharap ng Manila International Film Festival (MIFF) sa Hollywood Chamber of Commerce upang bigyang-pugay ang kanyang dekada-dekadang ambag sa larangan ng sining.
Pinalakpakan ang kanyang mga tagumpay mula sa pagganap bilang orihinal na Kim sa “Miss Saigon” kung saan siya ang naging kauna-unahang Asian woman na nanalo ng Tony Award, hanggang sa pagiging boses sa mga iconic Disney singing roles bilang si Princess Jasmine sa “Aladdin” at si Fa Mulan sa “Mulan”. Bukod dito, kinilala rin siya bilang isang ganap na Disney Legend.
Pinangunahan ang ginanap na event ng Emmy Award-winning journalist na si Sibley Scoles bilang emcee. Naghandog din ng kanilang mga mensahe ang mga guest speakers na sina Brandy, Ming-Na Wen, at Darren Criss. Dumalo rin sa mahalagang kaganapan ang musician na si H.E.R. upang ipakita ang suporta.
Ang tagumpay na ito ay nagpapatunay sa malaking pamana at inspirasyon na ipinamalas ni Salonga para sa mga Pilipino at Asian artists sa larangan ng pandaigdigang aliwan.
SOURCES:
- Hollywood Chamber of Commerce / Hollywood Walk of Fame Official Release
- ABS-CBN News
- GMA Integrated News
- Manila International Film Festival (MIFF)
Mga Larawan: @imagerybyoscar | Hollywood Chamber of Commerce
#LeaSalonga #HollywoodWalkOfFame #FilipinoPride #ProudPinoy #BroadwayLegend #DisneyLegend #MissSaigon #HollywoodStar #PinoyExcellence #ManilaInternationalFilmFestival
